A-walk-a, walk-a, walk-a, walk-a,

a-walk-a, walk-a, walk-a, walk-a,

a-nordic walk-a, nordic walk-a

a-walk-a, walk-a, walk-a...

 

I walk-a ziemlich locka mid meine Stocka
und es raucha meine Socka
I walk-a ziemlich flott mid meine Stocka
und i überhoi an Jogger
So mancher Jogger… is scho daschrocka.

 

Es staunt da Rentner und es staunt aa sei Dackl
wenn i an da Isar nordic wackl
ob‘s schütt oder ob‘s haglt, soichane Brocka
i bin oiwei drauß beim nordic walk-a

Aber liaba is ma… es is trocka.

 

I mog ned Schwammerlbrocka, i mog ned Kartnzocka,
ned Wattn, ned Tarocka, ned in da Stubn hocka,
ned Fernschaun in de Socka, ned in da Disco rocka,
in koa Café geh auf an Mocca, i wui naus - und walk-a!

 

a-nordic walk-a, nordic walk-a

a-walk-a, walk-a, walk-a...

 

Es is a so a Kampfhund ohne Leine
einem nordic walker ned des Seine
sei Herrle sogt: „Der wui bloß spuin, der Kleine!“
i moan oiwei, i hau eahm oane eine.

 

I schmeiß eahm d‘ Stocka…. zwischen de Beine.

 

I mog ned Schwammerlbrocka, i mog ned Kartnzocka,
ned Wattn, ned Tarocka, ned in da Stubn hocka,
ned Fernschaun in de Socka, ned in da Disco rocka,
in koa Café geh auf an Mocca, i wui naus - und walk-a!

 

 

Es walk-an aa de Omas, Opas und Tanten,
es walk-an aa de Pfarrer und de Ministranten,
es walk-an seibst de Anwälte, Notare,
überzeugte Singles und Brautpaare.
Sie walk-an von da Wiege… bis zur Bahre.

 

Sie woin ned Schwammerlbrocka, sie woin ned Kartnzocka,
ned Wattn, ned Tarocka, ned in da Stubn hocka,
ned Fernschaun in de Socka, ned in da Disco rocka,
in koa Café geh auf an Mocca, sie woin naus - und walk-a!

 

Sie woin ned Schwammerlbrocka, sie woin ned Kartnzocka,
ned Wattn, ned Tarocka, ned in da Stubn hocka.

Es sogt da Onke Dock(t)a: „Ihr braucht‘s koan Beta-Blocka —

nehmt‘s Eure Stocka, ziagt‘s de Schuah o und geht‘s naus…
zum Walk-a!

 

A-walk-a, walk-a, walk-a, walk-a,

a-walk-a, walk-a, walk-a, walk-a,

a-nordic walk-a, nordic walk-a

a-walk-a, walk-a, walk-a...